http://gudnyhulda.bloggar.is/

ok kannski er ég ógeðslega eftir á en ég var bara að komast að þessu. Vífilfell eru hættir að framleiða tab...
ég veit ekki alveg hvernig ég á að snúa mér í þessu máli en mér fannst tab rosalega góðru drykkur.því vil ég setja hér inn að lokum:

Rip

ég hélt alltaf að útlit skipti öllu máli í formúlunni....... ég virðist eitthvað hafa misskilið þetta og var greinilega að horfa á þetta af röngum forsendum....

Það er eitt sem ég hef lært síðustu mánuði og mig langar að segja frá því.
Við mannfólkið erum þannig gerð að við alhæfum allt út frá okkur sjálfum... ég veit að margir hugsa ef til vill neinei það er ekki rétt en það er mjög mikið til í þessu. Maður getur ekki skilið aðstæður sem maður hefur ekki lent í og það er staðreynd. Maður getur sett sig í spor annara og reynt að skilja og það má alls ekki vanmeta það að fólk gerir sitt besta til að skilja... en málið er samt það að það skilur út frá sinni reynslu og út frá því sem það hefur lent í. Löngu áður en ég varð ólétt, ég var rétt um tvítugt þá man ég eftir að hafa heyrt ólétta stelpu ,,væla" undan grindarlosi. ég man hvað ég hugsaði... hvaða aumingjaskapur er þetta.. smá bakverkir ég meina það. Mér hefur verið illt í bakinu oft og mörgum sinnum.. ég vinn nú einu sinni á leikskóla og það virðist fylgja og með tímanum fór ég að skilja betur fólk með grindarlos og bakverki en ég skildi það ekkert fullkomlega fyrr en ég varð sjálf ólétt og fékk grindarverki. Maður ætlast oft til þess að fólk skilji mann og veiti manni samúð, umhyggju og fleira. Ef að þú missir einhvern nákominn þér þá eru flest allir góðir við þig og hlusta á þig hjálpa þér tala við þig og hugga þig en fólk getur ekki skilið hvernig þér líður... nema að það hafi reynsluna af því að missa einhvern.
Við alhæfum út frá okkur sjálfum og okkar eigin reynslu og skiljum það sem við höfum gengið í gegnum. Ég meira segja man eftir því að hafa hugsað... það getur ekki verið mikið mál að fæða barn.. allar þessar konur á undan mér hafa gert það.. en mín upplifum var ekki auðveld. Ég hef líka hugsað um varðandi eins og fæðingar að margar konur eru mótfallnar mænurótardeyfingu meðan aðrar eru það ekki. Ég fékk mænurótardeyfingu og skammast mín ekki fyrir það en mér fannst það ekki auðvelt í fæðingunni... því ég hugsaði með mér hvað finnst þessum um það eða hinum... Kona sem gengur í gegnum fljóta og auðvelda fæðingu skilur ekki að önnur kona þurfi verkjalyf...
Skiljiði hvað ég er að meina?
Þetta er eitthvað sem ég hef mikið verið ð hugsa um..

Annars hef ég voða lítið að segja dóttir mín er eitthvað pirruð en er að reyna að leggja sig..
held ég fari að gera eitthvað af viti áður en ég held af stað í verkefnavinnu með stelpunum úr skólanum bless í bili

jæja þá erum komnar 5 vikur síðan dóttir mín fæddist! Mér finnst mun lengra síðan ég fæddi hana en samt finnst mér mun styttra síðan ég kom með hana heim! Svona getur maður verið skrítinn.
Annars er skólinn byrjaður og við Viktoría fórum í gær að hitta stelpurnar og byrja á einu hópverkefni. Rosalega gott að vera svona að fara í gang skólalega séð! Annars gengur lífið hérna sinn vanagang... geri voða lítið annað en að gefa Viktoríu, sofa og glápa á tellíið. Nei nei ég er alveg stundum að fara í heimsóknir og svona hehehe þetta er voða gaman
Annars hef ég voða lítið að segja vildi bara svona láta vita að ég væri á lífi bless í bili

Jæja ég hef ekki haft mikið að segja. 24 ágúst átti ég litla stelpu Algjört bjútí híhí ég er orðin mamma Hún er með heimasíðu ef einhverjum vantar lykilorð endilega bara senda mer email!!
Síðustu tvær vikurnar erum við Kiddi bara búin að vera heima að taka á móti gestum og kynnast litlu dömunni okkar
Svo er skólinn byrjaður og ég hef ekkert mætt (surprise )  er ekki einu sinni búin að kaupa bækurnar! Er farin að hafa smá áhyggjur en þetta reddast, er það ekki rétta hugarfarið?
Ég var annars voða glöð þegar það fór að rigna hehehe hefði alveg þegið rigningu síðustu daga meðgöngunnar en er alveg sátt við hana núna Það er voða gott að fá loksins smá gust inn um gluggann! hehehehehe
ég hef ekkert meira segja.... bless í bili sem gæti orðið langt....

 

 

Á þriðjudaginn fyrir meira en viku síðan byrjaði Kiddi aftur að vinna. Ég ætlaði að eyða deginum heima í leti sem ég og gerði! Þennan dag var fólk sem kom á msn,fólk sem sendi mér sms og fólk sem hringdi í mig með klassískar spurningar
Er eitthvað að gerast?
Ertu með einhverja verki?
Hvernig hefur þú það?
og
Hvernig líður þér?
Síðari tvær eru mjög svona lúmskar... þýða oftast það sama og hinar efri.
Oft samt er ein spurning sem fylgir þegar maður svarar þessum efri á þann veg að ekkert sé að gerast og hún er:
Ætlar barnið ekkert að fara að koma?
Eins og barnið eigi að vera löngu komið!

Ég hafði oft velt fyrir mér hvers vegna óléttar konur byrja oft svona snemma að stressa sig og bíða, vera óþolinmóðar og pirraðar yfir því hvenær barnið þeirra kemur. Ég var ekkert farin að bíða þegar ég vaknaði þennan þriðjudagsmorgun. Mér fannst hellingur eftir af meðgöngunni þannig séð þar sem það er mjög algengt að konur með fyrsta barn  gangi fram yfir. Þess vegna hef ég alltaf meira hugsað um meðgönguna sem 40-42 vikur og frekar búist við að barnið komi seinna en fyrr. Á þriðjudaginn síðasta þá varð ég rosalega óþolinmóð, pirruð og skildi ekkert í því hvers vegna barnið migg "vill" ekki koma í heiminn. Um kvöldið kom Kiddi heim og ég var rosalega leiðinleg og pirruð við hann en hann er náttúrulega gullmoli og við enduðum á því að ræða málin. Aðalmálið var það að ég var búin að vera að fá þessa spurningu í meira en viku upp á hvern einasta dag. Þennan dag sem ég eyddi í að gera ekki neitt og fékk þessa spurningu all nokkrum sinnum fór ég að bíða eftir barninu og varð rosalega alveg hreint rosalega svekkt og pirruð út í sjálfa mig því ég hafði ætlað mér að njóta meðgöngunnar og ég ætlaði mér sko alls ekki að bíða eftir barninu. Því barnið kemur þegar það og ég erum tilbúnar í slaginn. Ég er núna hætt að vera óþolinmóð. Ég verð pínu pirruð þegar fólk spyr mig hvort ekkert sé að gerast en ég veit að auðvitað er fólk forvitið og það vill vel og það er það sem skiptir máli.
Ég vil samt taka það fram að ég hef sjálf verið ein af þeim sem hefur verið að spyrja óléttar konur að þessum spurningum og ég skil fólk rosalega vel. Ég var bara að velta þessu fyrir mér og vildi birta þessar hugsanir mínar. Því núna stend ég í þeim sporum að vera sú sem fær allar spurningarnar og oft þarf maður að upplifa eitthvað sjálfur til að öðlast nýja sýn á málið Ykkur er guðvelkomið að halda áfram að spyrja mig, En ég býst ekki við að barnið komi fyrr en í næstu viku.

Ég þarf samt svolítið að passa upp á að hafa eitthvað að gera hehehhehe í dag t.d fer ég í sjúkraþjálfun og svo ætlar Kiddi að elda geggjaðan kvöldmat handa okkur og ég ætla að enda kvöldið á því að fara í ísbíltúr með Sögu minni. Á morgun fer ég í skoðun og ætla svo að reyna að taka til (ein ógó geðveik I know) og svo er Kiddi kominn í helgarfrí. Á laugardaginn ætla ég í afmæli til Hildar Jóhönnu og Kristjáns og hlakka ég mikið til þar sem ég skemmti mér óendanlega vel að kaupa afmælisgjöf handa henni og hlakka því mikið til að horfa á hana opna pakkann sinn. Svo ætlum við Kiddi að eyða sunnudeginum saman í kósýheit heima hjá okkur. Ótrúlega skrítið að þetta er "síðasta" barnlausa helgin okkar. samt æðislegt! ég elska að vera ólétt! þrátt fyrir alla fylgikvilla og vanlíðan þá finnst mér þetta æðislegasta tilfinning sem ég hef upplifað. En ég hlakka samt líka rosalega til að fá barnið mitt í fangið og verða mamma!
Jæja þetta er bara komið út í vitleysu.
Ég ætla að fara að gera eitthvað af viti þangað til ég fer til sjúkraþjálfans.

Það er komin helgi aftur! Mér finnst alltaf vera komin helgi. Kiddi hæti í sumarfríi á þriðjudag og mætti í vinnu. Svo ég hékk nokkurn veginn ein heima að gera ekki neitt alla vikuna Ótrúlegt hvað maður getur verið latur. Hitti reyndar Sólveigu mína á fimmtudaginn sem var æðislegt. Kjöftuðum okkur í hel og fórum í sund og höfðum það kósý. Svo um kvöldið kom Saga til mín og við horfðum á Simpsons movie... sem ég er núna búin að sjá TVISVAR!!! híhí hún var meira segja betri í annað skipti, ekki að hún hafi verið léleg í það fyrra. Í gær fór ég svo í skoðun sem kom mjög vel út. Krílinu virðist líða bara mjög vel þarna inni Ég verð samt að segja að mér finnst óendanlega skrítið að á mánudag er kominn settur dagur. Mjög skrítin tilfinning. Annars hef ég voða lítið að segja. Ég og Kiddi ætlum að gera íbúðina okkar fína í dag og fara á smá flakk og hafa það kósý. Mér finnst ég alltaf vera að þrífa en í geðveiki minni vil ég hafa íbúðina tip top hreina þegar litla krílið ákveður að láta sjá sig
En ég ætla einmitt að fara núna og halda áfram að taka til see u all soon....

 

Þetta er 8 bloggið sem ég birti á minni síðu síðan

 

Vala Björk bloggaði síðast.......

 

 

bara fyrir þá sem vildu vita það............

 

Hvernig er verlsunarmannahelgin búin að vera hja ykkur?
Ég er eiginlega bara búin að vera í rólegheitunum
Í gær fórum við og borðuðum með allri familíunni minni og áttum æðislegan dag upp í sumarbústað. Kiddi var úti með krökkunum allan tímann og skemmti sér konunglega. Fengum svo æðislegan mat, Kjúklingaspjót sem höfðu legið í einhverjum gourmet legi ekkert smá gott og svínakjöt sem hafði líka legið í rosalega góðum bbq legi. Mmmmmm....
Í dag er ég eiginlega bara búin að sofa, Kiddi horfði á formúluna Svo heimsóttum við Kristján bróður og familíu. Æðislegt!
Ég get ekki sagt annað en að þessi helgi sé búin að vera æðisleg Núna sitja Kiddi og Hallgrímur vinur hans úti að grilla kvöldmat handa okkur og ég þarf ekki að hafa fyrir neinu Það á nú eftir að taka tíma að venjast því að vera ekki ofdekruð ólétt kona

Jæja ég ætla að reyna ða gera eitthvað af viti, leggja á borð eða eitthvað Eigið góða helgi það sem eftir af henni er .....

Jæja þá er kominn ágúst. Voða skemmtilegt. Kiddi er kominn aftur í sumarfrí og við erum bara að dúlla okkur og slappa af saman. Voða nice.
Um helgina fórum við upp í sumarbúsað að heimsækja foreldra mína. Kristján og Hildur Jóhanna voru þar. rosa fjör, ég tíndi blóm fyrir skólann svo fengum við geggjað gott læri í kvöldmatinn og spiluðum svo svarta pétur um kvöldið.
Í gærkvöldi fór ég í sund með Völlu Ég dreg alla með mér í sund, hvort sem greyin vilja það eða ekki...
Mér fannst æði að fara í sund, líður svo vel í vatni. Annars hef ég voða lítið að segja. Kvíði því smá að Kiddi fari að vinna og ég verð aftur bara hangandi ein heima en ég verð bara að vera dugleg að finna mér eitthvað að gera og hætta þessari leti
Annars ætla ég að fara núna Hafið það gott og ekki gleyma að kvitta

Nú þarf maður að hlaupa fyrir hornið ef maður mætir frakkaklæddum manni!!! Að maður skuli búa í svona hverfi.......

Eru flassarar ekki annars alltaf í frakka????

hehehehhehehehehe

 Frétt

..........ahhhhh ég held að þið getið ekki ímyndað ykkur hvað mér líður vel í augnablikinu. Reyndar ekkert rosalega vel líkamlega en alveg hreint rosalega vel andlega
Ég þreif allt hátt og lágt. Tók baðherbergið, eldhúsið og þurrkaði af öllu. Fór í gegnum hilluna í stofunni og henti helling af drasli. Ég reyndar fór bara í gegnum tvo skápa í eldhúsinu meikaði ekki meira en það. Svo moppaði ég aðeins yfir gólfin í stofunni. síðan er Kiddi minn að klára að ryksuga núna og íbúðin orðin rosalega hrein og fín. Er að klára að þurrka rúmfötin og ætla svo í langa heita sturtu fyrir svefninn og njóta þess í tætlur að sofa í alla nótt.
Á morgun er ferðinni svo heitið upp í sumarbústað þar sem ég ætla að týna plöntur fyrir skólann og stefni ég á að reyna að týna sem mest ég get til að þurfa ekki að fara margar ferðir. Á mánudaginn fer ég svo með hugmyndamöppuna mína og skissubókina í póst. Og þá held ég að ég sé búin að öllu sem ég á eftir að gera að eigin mati Eftir það ætla ég að liggja með lappirnar upp í loft og slappa af og glápa á sjónvarpið og lesa Harry Potter þangað til barnið mitt ákveður að láta sjá sig
Annars vil ég segja að mér finnst nú alveg hreint ótrúlega skrítið hvað fáir kommenta miðað við hversu margir kíkja á síðuna í dag eru gestirnir komnir yfir 50!!!! endilega bæta úr þessu fyrst maður er farin að vera svona duglegur að blogga....

Upp á síðkastið hef ég mikið hitt af óléttum konum, bæði sem ég hef kynnst bara í meðgöngusundinu og þekki fyrir. Nokkrar konur hafa talað um að þær hafi gert klikkuðustu hluti þegar þær eru komnar á vissan tíma á meðgöngunni. Tvær allavegana hafa þrifið bakarofninn sinn. Einnig hef ég oft heyrt af konum sem hafa gengið berkserksgang í að þrífa íbúðina sína og þrifið ótrúlegustu hluti þrátt fyrir ástand verki og fleira. Þetta kallast á íslensku Hreiðurgerð, eða nesting á ensku. Ég hef alltaf hlegið að þessu og hugsað með mér að ég sé svo löt að þetta muni ekki hellast yfir mig og ég muni ekki verða eitthvað hreingerningaróð þegar það fer að nálgast í barnið.
Síðastliðin kvöld og eiginlega flest öll kvöld síðustu 3-4 vikurnar hef ég verið fyrirvaraverki á kvöldin og eftir að hafa bölvað þessum blessuðu fyrirvaraverkjum sem eru ekkert nema gott merki um undirbúning líkamans hef ég farið að hafa áhyggjur af öllu sem mér finnst að ég eigi eftir að gera áður en barnið kemur í heiminn. Í gær ákvað ég að klára það sem ég átti eftir að gera fyrir skólann. Ég byrjaði á að klára minn hluta í hópverkefninu, kláraði svo hugmyndamöppuna mína og skissubókina mína og endaði á því að fara að pæla í þessum blessuðu plöntum sem ég þarf að týna áður en skólinn byrjar. Við Kiddi ákváðum að fara í bíltúr um helgina að týna þær.
Í gærkvöldi átti ég síðan mjög erfitt með að liggja, er svo hryllilega slæm í löppunum og bakinu,  svo ég fór fram úr og hélt áfram að taka til. Er búin að vera að taka til í íbúðinni og "undirbúa" hana undir þrif, búin að fara í gegnum kommóðurnar mínar og henda helling og þurrka af í inn í svefnherbergi svo ég er búin að vera frekar róleg í þessu. Í gærkvöldi tók ég úr uppþvottavélinni og fór gekk um og henti fullr af drasli, fór í gegnum skóladót frá því í vetur og henti og henti.
í nótt lá ég andvaka. Sem er nú varla frásögufærandi. Nema hvað að ég lá í rúminu að drepast úr verkjum og að skipuleggja hvernig ég ætti að þrífa íbúðina mína. Hugsaði mikið um að byrja á að þurrka af öllu. ÞRífa svo baðherbergið og að svo þyrfti ég að fara í gegnum skápana í eldhúsinu bæði ryksuga þá og þurrka innan úr þeim. Síðan var ég mikið að spá í að moppa gólfin því ekki má ryksuga og þvo rúmfötin. Reyndar held ég að ég geymi það að þvo rúmfötin því ég vil nú helst geta lagt mig í bólinu mínu eftir þrifin. Núna er klukkan 9:25 hja mer og ég held að ég hafi kannski náð 3-4 tímum í svefn allt í allt þó ég efi að það hafi verið það mikið. Ég vaknaði svöng klukkan 8 og hef ekki getað sofnað aftur eftir það. Er mikið að spá í að byrja þrifin ógurlegu en er ekki viss um að ég hafi orku í þau
Núna er ég búin að sitja við tölvuna og skoða playlistann minn og bæta inn á hann svo ég hafi "réttu" tónlistina í gangi. Ekki bara stebba
En ég held að ég fari að hendast í þetta ég alveg iða í fingrunum og vill ná að gera sem flest ásamt því að leggja mig (skipun frá Kidda) áður en Kiddi kemur heim.

Það er orðið frekar langt síðan maður hefur bloggað
Hef bara svo voðalega lítið að segja.
Ég er búin að fara á Harry Potter í bíó og ég mæli nú bara eindregið með henni. Fínasta afþreying! Fór með Sögu minni og það var bara æði Annars er hann Kiddi minn kominn í sumarfrí og við erum bara búin að vera í rólegheitunum saman. Voða kósý
Um síðustu helgi fórum við í afmæli á laugardeginum og á sunnudeginum fór ég sund með Freyju minni og svo bakaði Kiddi pönnsur. Þetta er nú ágætis líf
Mikið skárra að vera að hanga heima alla daga meðan maður er ekki einn. Við höfum nú reynt að gera eitthvað af viti síðan Kiddi byrjaði í fríi Í gær fór hann í bílskúrinn hja foreldrum sínum að bóna bílinn og í dag og út vikuna verður Hildur Jóhanna hjá okkur á daginn Í dag ætlum við í bónus og sund. Geggjað stuð Svo veit ég ekki hvernig næstu dagar verða en við hljótum að geta fundið okkur eitthvað skemmtilegt að gera Í morgun tók ég til í náttborðinu mínu og gömlu kommóðunni og ég held að ég hafi grínlaust fundið í kringum 8 eyrnalokkapör og nokkur sem ég mundi ekki eftir að ég ætti.
Alltaf gaman að taka til og þrífa
Ananrs er maður bara búin að vera að dúlla sér við að undirbúa komu bumbubúans. Tókum nokkuð vel til fyrir afmælið hans Kidda og tókum til dæmis garðinn vel í gegn. Svo í síðustu viku byrjaði ég að þvo barnafötin og bleiutuskurnar og svona. Síðan er e´g alveg að verða búin með öll verkefni fyrir skólann svo allt er alveg að verða tilbúið hér á bæ. Fínt að vera ágætlega snemma í þessu svo getur maður bara setið með tærnar upp í loft og slappað af þangað til krílið lætur sjá sig.
Jæja núna ætla ég að fara að gera eitthvað af viti með litlu frænku minni og vona ég að þið njótið bara lífsins

Svo nenni ég ekki að blogga nema fólk kommenti!!! og Hana nú!!